Thu. Oct 29th, 2020

प्रदेस २ मा कोरोना संक्रमण: ४ जनाको मृत्यु, ८२ नयाँ संक्रमित

जनकपुर- प्रदेश नम्बर २ मा आईतबार कोरोना संक्रमणका कारण ४ जनाको मृत्यु भएको छ भने ८२ जना संक्रमित थपिएका छन् ।

प्रादेशिक जनस्वास्थ्य प्रयोगशाला जनकपुर, नारायणी उपक्षेत्रीय अस्पताल वीरगञ्ज र गजेन्द्रनारायण सगरमाथा अस्पताल राजविराजमा गरिएको परीक्षणमा १२ महिला र ७० पुरुषगरि कुल ८२ जनामा कोरोना संक्रमण पुष्टि भएको  छ।

२४ घण्टामा थपिएका संक्रमितसँगै प्रदेशमा कोरोना संक्रमितको संख्या १२ हजार ९ सय ४६ पुगेको छ । हालसम्म प्रदेशमा २ हजार ३१ महिला र १० हजार ९ सय १५ पुरुष संक्रमित रहेको जनाइएको छ ।

त्यसमध्ये रौतहटमा सबैभन्दा बढी कोराना संक्रमण पुष्टि भएको छ । रौतहटमा आजमात्र २६ जनामा कोरोना संक्रमण पुष्टि भएको छ ।

त्यस्तै सप्तरी र सिरहामा १८, पर्सामा १२ र सर्लाहीमा ८ मा पुष्टि भएको छ भने ३४ जना संक्रमित निको भएर आफ्नो घर फर्किएका छन् ।

प्रदेशका ३२ पुरुष र २ महिला निको भएर घर फर्केका हुन् । योसहित प्रदेशमा निको हुनेको संख्या ७ हजार ४४ पुगेको छ । अहिलेसम्म निको हुनेहरुमा ८ सय ४ महिला र ६ हजार २ सय ४० जना पुरुष रहेका छन् ।